فكرت اكتب كتروفضلت الفكرة تلح عليا لما قالت لي واحدة صاحبتي علي فكرة التدوين
بس مكنتش لاقية الفكرة اللي محتاجة قوي اكتب فيها لحد ما ظهرت الفكرة والحت عليا لوحدها وفضلت تزن تزنننننننن تررن
ولو تلاحظوا انا سميت نفسي الغجرية ست جيرانها وانا للاسف مش ست جيراني ولا حاجة دة بس الملاحظ دلوقتي ان اللي بيعرف ياخد حقة في الزمان دة لازم يغجر وصوتة يبقي اعلي فيكسب
المهم مش هطول عليكم القصة وما فيها ان والدي اشتري حتة ارض في 6 اكتوبر وبني عليها بيت صغير ودفع الراجل يا عيني اقساط لحد ما سدد كل الثمن ونجح انة يبني لنا بيت صغير واتضح انة وهو بيسدد في ثمن الارض بيدفع زيادة 10% علشان قيمة تمييز ولما سأل قالوا لة ان الارض تطل علي ميدان وطبعا دة تمييز علشان انت هتستمتع بالاشجار والازهار والعصافير لما تقف علي الشجر قصة طويلة ةةةة كدة
المهم دفع الراجل علشان ميخدوش منة التمييز زي عادل امام ( خاف لا يشيلوا العدة )في شاهد ما شافش حاجة
والميدان دة فضل فترة كبيرة جدا عبارة عن مخلفات كل المباني لحد ما عملنا اجتماع عائلي وقررنا عدم انتظار الحكومة تعمل لنا كل شيء وقررنا الاستغناء كل شهر عن مبلغ علشان نزرع احنا الجنينة ونستمتع بقة بالهوا والعصافير ,,,,,,,,,, وفعلا زرعنا الميدان ولما شافنا الجيرا كل واحد زرع اما م منزلة
لكن صحينا من النوم في يوم علي ناس بتدق حديد وحاجات غريبة في الميدان ؟؟ انتم مين يا جماعة !!!!!!!!!!!احنا من شركة المحمول هنركب لكم هنا جهاز تقوية لاننا سمعنا ان بقالكم فترة بتشموا هواء عليل وبتستمعوا بلاشجار طب يا جماعة مهو هو دة التمييز ؟ قالوا لا كفاية كدة تمييز احسن تتعودوا علي كدة تبقي مشكلة وبعدين كل المسئوليين بياكدوا ان دة مفيهوش خطورة( ملحوظة عمري ما سمعت ان فية مسئول واحد فوق بيتة او جنب بيتة ابدا جهاز تقوية ولو فية يا ريت يقولي )
وفي الحقيقة انا مش مستغربة خالص لازم طبعا انهم يركبزا لنا جهاز تقوية علشان الاطفال تبقي قوية كدة وعفية مش دول جيل المستقبل ولا ايةةةةةةةةةةةةةةةةةةة!!!!!!!!!!!
الخميس، 15 مايو 2008
الاشتراك في:
تعليقات الرسالة (Atom)
هناك 24 تعليقًا:
اولا اهلا بيكى فى عالم التدوين
دنيا البلوجريه نورت...
بصى ياستى انتى فى زمن الصوت العالى للاسف
واللى مش بيغجر للاسف برضه مش بياخد حقه...فخليكى غجريه...
ثانيا ..انتى تعرفى اكتر من الحكومه؟
الحكومه عارفه المقدار اللازم لصحتنا من هوا نضيف و مناظر كويسه اكترا من كده عيارنا يفلت و لازم تلحقنا و تنكد علينا عيشتنا
قلبى معاكى...
لو عملوا جايزة لأحسن حكومة تقدر تنكد علي إللي عايشين فيها
حكومتنا بلا فخر هاتاخد المركز الأول عن جدارة وبدون رشوة كمان
واكيد اللي ادي الشركة التصريح المشؤوم ده واخدله هبرة قد كدة عشان يسكت ويطلع التصريح وهو ساكت
ماعلش ماتزعليش نفسك
بس ممكن تقدموا شكوي في القسم وتطلبوا يبعدوا العمود ده عن بيوتكم
ولواني قريت قبل كدة في الجرايد ان مافيش فايدة
مش عارفة اقولك ايه لاني اتضايقت ذيك تمام ,,, لاننا في بلد حتي الفلوس مابقيتش تعيش الواحد عيشة مرتاحة
ربنا يصبركم
وقال يا قعدين يكفيكوا شر اللي جايين
اهلا وسهلا يا قمر في عالم التدوين
وباين من البوست ده اني عندك افكار حلوة وقلمك متميز
مستنينك كدا واسمحيلي هكون من زوار المداونه
تحياتي لكي
سلام عليكم
أولا يا ألف ويلكم بيكى يا جميل فى عالم البلوجرية .. نورتى المدونات كلها
ثانيا بقى إنتى غلطانة بصراحة هم عايزين يخدموكوا إنتوا اللى الشبكة عندكوا واقعة طب هم ذنبوهم إيه؟؟ وبعدين أشجار إيه وبتاع إيه كده خطر على صحتك لحسن بعد الشر تتعودوا على المناظر النضيفة ولا حاجة .. لما الناس ترزع شجر أومال مناظر أكوام الزبالة الرائعة تروح فين؟؟ قال شجر قال
ثالثا بقى نورتى المدونة بتاعتى وأتمنى متكونش أخر زيارة
مستنية جديدك
تحياتى
يعنى ركبو عندكو الإريال ده
معلش علشان يطلع موجات بطيخيةقصدى كهرومغناطيسية والناس تلزق فى بعض وتحب بعض أكتر
تحياتى
لسة مركبوش الايريال بس اكيد هيركبوة علشان يقوي الارسال علشان الغلابة يتكلموا كويس في الموبايلات,وشكرا علي التعليق ونورت مدونتي المتواضعة يا دكتور
نورت المدونين ...ويارب نشوف مواضيع حلوه ..وأفكار جميله ..وربنا يوفقك
شكرا لكل اللي زارني وكتبلي تعليق وببلغكم اننا قدما شكوي النهاردة موقعة من كل سكان المنطقة (حكم احنا كدة منتجمعش غير في المصايب ) واخدنا رقم الشكوي وابقوا قابلوني بقة بس علشان متقلوش اننا سلبيين
وابقوا كرروا الزيارةةةةةةةةةةة
ههههههههههههههه
حلو اوي الموضوع علي فكرة احنا جيران
وبابا كان عايز يشتري ارض وانا كنت مخلفاه في الموضوع دة بس بعد كلامك دة انا فعلا عندي حق الراجل منهم يدفع دم قلبه من تعبه وشقاه وقله نومه وفي الاخر يسحبه منه التميز والنبي حرام بس بجد انتي دمك خفيف قوي وبدايه قويه ربنا يوفقك نورتي البلوج سبوت
مي
صباح الخير على الغجر كلهم
وأنا طبعا هنا ما أقصدكيش انت
لأنه واضح جدا رغم اختيارك للاسم ده
الا انك لا تمتي للغجر بصلة
انت بنت طيبة جدا
وواضح كمان ان أهلك ناس طيبين ومسالمين
والغريب في الحكاية ان الجيران كمان أغلب من الغلب
عملتوا شكوى ؟؟؟
وأخدتوا رقم ؟؟؟
كسبنا صلاة النبي !!!
شكوى ايه يا جماعة ؟؟؟
الشكوى لغير الله مذلة
طبعا الشكوى دي اتقدمت لجهاز مدينة 6 أكتوبر
واللي طبعا هو في مرحلة انتقال التبعية بعد تعديل محافظات مصر الأخير
يعني هو نفسه محتاج حد ينظمه
ولو قدمتي الشكوى في القسم أحب أهنيكي بان النوع ده من المحاضر بيحفظ اداريا
يعني ميت قبل أن يولد
نصيحة من أخ أكبر
اتبعوا نفس المسار اللي اتبعوه اخواتنا الدمايطة
دعوى قضائية أمام المحكمة للضرر
هو ده التصرف السليم المتحضر في الظروف دي
والا فان البديل هو ان الجيران يشتركوا في ايجار بلدوزر من النوع التقيل
وكل الحكاية نص ساعة ويرجع الميدان زي ما كان
وقتها بس تبقي مش غجرية وبس
دول ممكن ينصبوكي ملكة للغجر
تحياتي
إحســــــــان
اولا نورتى دنيا البلوجر
ثانيا : موضوع التميز ده يا ستى حركه نصب من الحكومه المصريه مش اكتر او ااقل يعنى لا تميز ولا حاجه هى بس مسميت وتحليه بضاعه فى عين المشترى
بجد انا مبسوطة انكم معايا في مشكلتي وبتردوا عليا وطبعا يا مي خللي بابكي يركز قوي مع الاراضي المميزة هيتبسط حقيقي اما بقة فكرة الاستاز احسان بتاعة البلدوزر عجبتني قوي بس لو كنت اقدر كان زماني بجد ملكة الغجر من زمان وبجدارةومكنتش زماني كتبت المشكلة اصلا
وشكرا لرئيس جمهورية نفسي علي ردة واحنا فهمنا المسألة بس للاسف متاخر
لا يرحموا ولاا يخلوا رحمة ربنا تنزل علي الناس
محمول اية بس دي ناس بتفنن في الخراب
بشكل مؤكد وزي ما ذكرتي مفيش اي
مسئول جنبة حاجات من دي وزي
ما اتعودنا الا لية ضهر مينربش علي بطنة
وربنا يصبركم وتزرعوا وتعمروا تاني هيجوا
بحفر وتخريب جديد تاكدي من ذلك
تقبلي مروري
تحياتي
فعلاهي الحومةبتنصب علي الناس ف يكل شيئ
لكن انتوا ليه ماحاولتوش تشتكوا الشركة وتوقفوابناء شبكةالمحمول دي ؟
تحياتي ليكي واهلا بيكي في علم التدوين
بدايه مبشرة بالخير
ازيك ياقمر من اولها كده هقولك مفيش فايده
النهارده يرصفوا الشوارع تاني يوم يفتكروا ان فيه تركيب مواسير
عارفه المشكله ان مفيش نظام والسرقه والنهب بقى عيني عينك
ربنا يصبرك يابنتي
مهو احنا اشتكينا يا مصطفي في جهاز 6 اكتوبر وعند المحافظ كمان واخدنا رقم شكوي ومتهيالي دة كفاية اكيد رقم الشكوي دة هيحافظ علي صحتنا وزي ما قالت حبيبة القمر مفيش فايدةةةةةةةةةةةة
إزيك يااااا غجريه
ألو...الوووووووووووو....الوووووووووووووووو
شفتى انتى مش سمعانى اهه ليهم حق يحطو شبكة تقويه
ده انتو ناس مفتريه....عاوزنهم يعملولكو ايه يعنى؟؟؟؟؟؟؟؟؟؟
و بعدين عملتى شكوى فى المحافظه الجديده؟؟؟؟
قلبك ابيض المحافظ عاوز يعمل رالى 6 اكتوبر... فى الصحرا الفاضيه
و لا انتى عاوزاهم يعنى يبوظو الصحراء ببرج التقويه؟؟؟؟؟
يا سلام سا سلام حيبقة فيه رالى فى الصحراء.....بس هوه لسه جديد ما يعرفش ان الرالى اصلا معمول فى الشوارع من زماااااااااااااااااان
الوووووووووووو
سمعاكي وبرد اةةةةةةةةةة
و مفيش داعي للتقوية
اتاخرتى علينا يا اخت غجريه
مافيش موضوع جديد و لا ايه؟
انا كده بدأت اقلق ...
نورتى عالم بلوج سبوت
حكومتنا حققت الرقم القياسى فى تنكيد شعبها ونورتى عالم التدوين
شكرا انتوا اللي نورتوني بالزيارة
واكيد هيبقي فية جديد قريبا
بوست جميل جدا وافكار جميل اوى اوى بجد وشكلك جديده فى التدوين وكن الغلبه احله اتمنا ان تكونى سعيده بوجدنا فى مدونتك
إرسال تعليق